Abuzimi seksual i vajzës 15 vjeçare në Babrru, nga 65 vjeçari Abaz Doku tronditi jo pak opinionin publik.
Një një reagim për mediat, babai i minorenes shprehet se 3 vite më parë fqinjët i kanë treguar për abuzimin që i është bërë të bijës, nga ish roja i shkollës.
I ati i vajzës tregon se nëse shteti nuk do ta dënojë atë, ai do të marrë hak.
Ngjarja e rëndë ka ndodhur të paktën dy vite më parë, ndërsa të shtunën policia e kryeqytetit arrestoi të moshuarin me akuzën e abuzimit seksual me të mitur, pas denoncimit të bërë nga familjarët e vajzës.
“Ai ka bërë shumë gjëra të tilla këtu në Babrru, por më ra mua që ta denoncoj“, tha babai i vajzës së dhunuar duke paralajmëruar edhe hakmarrje ndaj tij.
Bashkë me 65 vjeçarin, efektivët vunë në pranga edhe tre djem të rinj, të cilëve u ishte shpërndarë video intime e të miturës.
Zyrtarisht policia deklaroi se nëpërmjet shantazhit, tre djemtë kanë kryer marrëdhënie seksuale me të miturën.
Edhe për banorë të zonës, 65 vjeçari njihej si një person jo i qëndrueshëm, ndërsa po hetohen edhe raste të tjera të abuzimeve me të mitur që i moshuari mund të ketë kryer me fëmijë të tjerë. /abcnews.al
