Nga Shruti Menon, BBC
India është prekur nga një valë e dytë e koronavirusit, por qeveria ka thënë se pandemia po mbahet në kontroll në disa rajone.
Normat e infeksionit në vend
Rritja e rasteve të Covid në Indi filloi rreth mesit të Marsit dhe u rrit me shpejtësi, duke arritur kulmin prej më shumë se 400,000 rastesh të regjistruara në një ditë. Gjatë ditëve në vijim, shifrat u ulën, me pak më pak se 360,000 të hënën, 3 maj. Por në ditët e fundit, rastet kanë filluar të rriten përsëri.
Dhe të enjten, 6 maj, numri i rasteve të reja të regjistruara në një ditë arriti një maksimum të ri prej më shumë se 414,000 të infektuarish.
Nivelet e testimit
India ka kryer gati dy milion teste në ditë. Por në fillim të këtij muaji shifrat ranë në 1.5 milion. Por nga e Mërkura, 5 Maj, testimi ditor u rrit përsëri në dy milion. Kjo rënie e përkohshme e testimit mund të shpjegojë shkallën e rënies së rasteve ditore të regjistruara në ditët e para të majit.
Kur autoritetet thanë së numri i rasteve ka rënë në disa shtete – Maharashtra, Gujarat dhe Telangana dhe kryeqyteti, Delhi – të njëjtat shtete gjithashtu kanë testuar më pak persona. Në mes të Prillit, kur Delhi po kryente gati 100,000 teste në ditë, rastet ditore ishin rreth 16,000.
Por deri në fund të Prillit, kur numri i rasteve ishte rritur me më shumë se 55%, testimi kishte rënë me 20%. Trende të ngjashme janë vënë re në Gujarat dhe Telangana.
Përqindja e testeve pozitive
Një përqindje e lartë e testeve pozitive tregoi se shumica e njerëzve ishin asimptomatikë, sipas Universitetit Johns Hopkins. Gautam Menon, një profesor fizikë dhe biologjie, në Universitetin Ashoka, afër Delhit, tha: “Shkalla e pozitivitetit është akoma e lartë, mbi 20% në të gjithë vendin.
Cilat teste po përdoren?
India kryesisht përdor dy lloje testesh. Testet e reaksionit zinxhir të polimerazës (PCR) konsiderohen si standardi i artë, megjithëse ka pasur raporte për variante të reja që nuk zbulohen te pacientët simptomatikë.
Por disa autoritete shëndetësore shtetërore kanë sugjeruar testet e antigjenit, të cilat janë më të shpejta dhe më të lehta për t’u administruar, por më pak të besueshme.
Në Delhi, gati 35% e testeve në Prill ishin antigjen i shpejtë. Këshilli Indian për Kërkime Mjekësore (ICMR) ka rekomanduar që testet e shpejta të antigjenit të përdoren më gjerësisht./abcnews.al
