Nga Jesse Beckett, War History Online
Përktheu: Sonila Backa-abcnews.al
Kur jetoni nën kërcënimin e minave, mitralozëve, snajperëve dhe breshërive të artilerisë, është e lehtë të imagjinoni se kafshët vdekjeprurëse janë ndoshta shqetësimi më i vogël i një ushtari gjatë luftës.
Megjithatë, gjatë një beteje në fillim të vitit 1945, trupat japoneze supozohet u shndërruan në një “festë” brenda natës për krokodilët, të cilët sulmuan qindra burra që banonin në këneta.
Ngjarja ndodhi në shkurt 1945 gjatë Betejës së ishullit Ramree.
Ishulli Ramree
Ishulli Ramree është ishulli më i madh i Birmanisë (tani Mianmar ose Burma) me 520 milje katrore. Ajo ndahet nga kontinenti i Birmanisë vetëm nga një ngushticë e hollë me një gjerësi mesatare prej 150 metrash. Ishulli u mor në kontrollin e japonezëve gjatë pushtimit të Birmanisë në vitin 1942, por forcat e Commonwealth zbarkuan atje në janar 1945.
Megjithëse pjesa më e madhe e ishullit Ramree është kënetë, ishte vendndodhja ideale për një bazë ajrore për të furnizuar ushtarët në Birmani. Kur britanikët mbërritën, japonezët ishin në një situatë të pashpresë. Një armadë e madhe anijesh pranë brigjeve të ishullit ndërpreu çdo mundësi shpëtimi ose furnizimi. Forcat britanike tejkaluan në numër japonezët dhe për një periudhë të shkurtër pas zbarkimit në ishull hasën pak rezistencë, raporton abcnews.al.
Menjëherë edhe pse furnizimet japoneze u pakësuan, 900 trupa të uritur dhe të lodhur u tërhoqën në kënetat e Ramree për t’u bashkuar me një forcë më të madhe në anën tjetër. Këtu britanikët do të ishin shqetësimi më i vogël i tyre, pasi natyra fitoi terren.
Britanikët hezitonin të ndiqnin japonezët në këneta. Malaria, ethet e verdha, dhe infeksionet ishin ato me të cilat duhej të përballej një ushtri. Në vend të kësaj, britanikët rrethuan kënetën.
Së shpejti trupat japoneze hasën probleme të mëdha. Në fund britanikët pushtuan ishullin, duke vrarë 500 japonezë. Një fushë ajrore ishte në funksion deri më 16 prill 1945.
Masakra e krokodilëve
Një histori e famshme që vjen nga Beteja e ishullit Ramree. Thuhet se trupat japoneze u bënë viktima të sulmeve të panumërta të krokodilëve. Një nga një krokodilët i zunë ushtarët natën, duke i tërhequr zvarrë në moçal dhe duke i plagosur deri në vdekje. Trupat britanike anën tjetër u detyruan të dëgjonin zhurmat e 900 burrave që përpiqeshin të luftonin kundër këtyre zvarranikëve vdekjeprurës, raporton abcnews.al.
Një ushtar britanik detajoi ngjarjen e tmerrshme: “Ajo natë ishte më e tmerrshmja që ka përjetuar ndonjëherë ndonjë anëtar i ekuipazhit të ML,” shkroi ai. Nga rreth një mijë ushtarë japonezë, vetëm rreth njëzet prej tyre shpëtuan.
Megjithëse Beteja e ishullit Ramree nuk është shumë e njohur, sulmet e krokodilëve janë përmendur shumë herë gjatë dekadave që nga shkurti i vitit 1945. Megjithatë, vitet e fundit historianët kanë ardhur në dyshim për këtë histori, madje disa e kanë kategorizuar atë si një mit .
Një historian ngriti dyshimet se si këta krokodilë mbijetuan para ardhjes së japonezëve, pasi nuk kanë pasur ushqim të mjafueshëm. Disa besojnë se ka më shumë gjasa që japonezët të kenë humbur jetën për shkak të sëmundjeve, dehidratimit dhe urisë, dhe krokodilat janë ushqyer me kufomat e tyre.
Pavarësisht kësaj, rrëfimet e ushtarëve që ishin atje duket se tregojnë se krokodilat të paktën luajnë një rol të madh në vdekjen e ushtarëve japonezë.
/abcnews.al
