beteje

WhatsApp-Image-2020-03-23-at-18.27.37.jpeg
eri Ida17:59 | 23/03/2020

Kryeministri Edi Rama në një intervistë për ABC Neës me Endri Xhafon është shprehur se COVID  19 është një luftë më e fortë se ajo me tërmetin pasi në këtë luftë jemi të vetëm nuk kemi ku të trokasim.

Shëfi i qeverisë është shprehur se në këtë luftë kemi njëri tjetrin ndaj duhet të jemi të kujdesshëm që ti zbatojmë me përpikmëri të gjithë masat e marra për parandalimin e përhapjes së virusit.

Janë dy gjëra komplet të ndryshme.Padiskutim është kjo, pasi në këtë luftë jemi vetëm në ndryshim me atë që bëmë me tërmetin, nuk ka dyer të hapura për të shkuar dhe për të bërë atë që bëmë për termetin që shtrime dorën me argumenta që të na ndihmonte. Nuk ka njëri tjetër ktu secili është për vete dhe Zoti është për të gjithë, në këtë luftë ne kemi vetëm njëri-tjetrin, nuk duket akoma në horizont ndonjë aleancë kombëtare që jam i bindur që do të vijë por ende nuk është në horizont”, tha Rama.

Intervista e plotë:

Mund të na thoni se çfarë ndodhi me raportimin e gabuar për vdekjen e pacientit. Ju pyes për këtë pasi është besueshmëria e shifrave.

Mos ki merak besueshmërinë e shifrave. Edhe unë si ju pyeta dhe përgjigja që mora ishte e thjeshtë, pacienti kaloi në një vdekje klinike dhe pastaj ndodhi , mrekullia që u rikthye. Lajmi ishte i bazuar dhe e bazuar ishte edhe e reja që pasoi.

A mund të flasim sot, kur them sot e kam për 24 orët e fundit për një rritje që mjekët e quajnë jashtë mesatares?

Nuk e di këtë që thatë, unë di që mjekësia të ketë një term të tillë, por di çka kemi regjistruar ditët e fundit është ajo që kemi pritur dhe unë e kam paralajmëruar këtë gjë jo se jam profet por ne punojmë në bazën e një modeli mbi statistika. Jemi në fazën ngritjes së kurbës, javën e kaluar shifrat filluan të rritet dhe këtë javë do rriten më shumë.

Ju thatë që jeni brenda parashikimeve, a ka diçka jashtë parashikimeve?

Nuk e di çfarë do të thotë jashtë parashikimeve, shifra jonë është brenda parashikimeve

Sot Shqipëria ka të infektuar një shifër të ulët po ta krahasosh me Italinë, Zvicrën, apo Kina vetëm 58 më 1 milion banorë. Është një shifër e mirë kjo?

Këtu nuk ka shifra të mira dhe të këqija, këtu ka një përpjekje për të parandaluar epideminë, e cila do të përhapet pavarësisht çfarë bën një vend. Por e rëndësishme është që përhapja të ngadalësohet sa më shumë dhe mbi bazën e kësaj qëllimi është që të mos kemi kurbën katastrofike, por të kemi një kurbë graduale. Kjo është arsyeja që ne jemi të parët që morëm masat ekstreme. Dhe masat shtrënguese janë e vetmja gjë në këtë histori të hatashme ku të gjithë bien dakord që të ndihmojnë.

Kur prite piku sipas jush?

Nuk jam unë njeriu që do pyesni për këtë dhe më mirë mos pyesni asnjë.

Masat e distancimit social kanë dhënë efekt?

Nëse nuk do ishin marrë këto masa sot do kishim shifrën që do na merrte frymën.

A është i mjaftueshëm numri i testeve që kryen? OBSH kërkon vazhdimisht që të merren dhe të kryehen sa më shumë teste.

Unë OBSH i jam referuar që në fillim, dhe se sa teste kryehen ky është një detaj që i takon ekspertëve që po bëjnë një punë të jashtëzakonshme dhe për ti ardhë në ndihmë të gjithë atyre që vijnë nga OBSH  kiemi publikuar dehe numrin e testeve në 6 vendet e Ballkanit përindimor Shqipëria është vendi me testete më të mëdhenj.

Sa rezerve testesh kemi?

Asnjëherë autoritete në kohë lufte nuk i përgjigjen një pyetje të tillë kemi mjaftueshëm dhe nuk do të na mungojnë dhe siç mund tu mungojnë dhe vendeve më të fuqishme se ne kapacitete më të mëdha masat shtrëngruesetë popullsisë. Kjo do të thotë se ne do të prekemi 60-70% nga kjo mesatare 80 përqind nuk do ta marrin vesh kurrë. 20 përqind nga 80% do të kenë dhe simptoma më të dallueshme dhe në këtë grup janë dhe personat që bëhen për reanimacion kjo është arsyeja se masat shtrënguese janë ilaçi i vetëm që bota njeh deri më sot. Dhe ilaçi i njohur është masat shtenguese.

Çfarë po ndodh, pasi në një vend siç është Franca që përveç  tamponëve po bëjnë edhe teste të tjerë që shërbejnë për të nxjerrë në pah nëse kemi apojo të infektuar. A keni menduar dhe ju që mund të bëni një jë të tillë pasi specialistët shqiptarë kanë thënë se mund të bëhet një gjë e tillë?

Në televizion mund të bëhen shumë gjëra shumë shpejt, por Franca është monarkia e sistemit shëndetsor në botë. Franca sot që flasim është në pikë të hallit që nuk imagjinohej që mund të gjendej Franca në këtë ditë që flasim. Se çfarë bëhet në qendrat shëndetsore në Gjermani e në vende tjera kjo është një gjë tjetër, por nëse ne do të kemi një zbatim të tillë atëhere dhe ne do e përdorim.

Procedura e re që nxjerr rezultatet për 45 minuta që Kosova ka kërkuar që ta marrë, po në vendin tonë çfarë plani po ndiqet?

Ne kemi në plan që të zbatojmë planin tonë dhe çafrë janë hapa tjetër për tu bërë publike do i bëjmë menjeherë më pas. Ne nuk kemi hyrë tafti-bafti në këtë luftë, por jemi të përgatitur për ta përballuar ne e dimë që nuk jemi Franca, Britania, Gjermania që të gjithë janë në vështirësi në këtë situatë,  por ne i morëm në kohë rekord masat parandaluese. Në këtë luftë kemi respektimin e masave shtënguese dhe veten tonë. Ka shumë nga ato që theksojnë se pse na detyrojnë që të dalim në 5 të mëngjesit për të blerë domate, po në një situatë të jashtëzakonshme nuk mund të kërkojmë gjëra të zakonshme. Ne jemi në luftë dhe është një luftë e hatashme në vështirësinë e vet është një luftë që fiton që nuk lëviz kot rrugëve, fiton ai që rri në divan, në kolltuk dhe nuk e ka të nevojshme që të dalë nga shtëpia pa arsye. Në rrugë po kërkohet atyre që të dalin në punë atyre që e kanë të nevojshme të dalin, për pazar dhe për blerje medikamentësh. Të rrish në radhë drejt pas shpinës së atij që keni para të mbash distancën kjo është lufta jonë, nuk na kërkohen raketa, ushtri por secili të sillet si ushtar pa luftë.

Është më e rëndë kjo situatë lufte apo ajo e tërmetit nëse do të bënim një krahasim?

Janë dy gjëra komplet të ndryshme.Padiskutim është kjo, pasi në këtë luftë jemi vetëm në ndryshim me atë që bëmë me tërmetin, nuk ka dyer të hapura për të shkuar dhe për të bërë atë që bëmë për termetin që shtrime dorën me argumenta që të na ndihmonte. Nuk ka njëri tjetër ktu secili është për vete dhe Zoti është për të gjithë, në këtë luftë ne kemi vetëm njëri-tjetrin, nuk duket akoma në horizont ndonjë aleancë kombëtare që jam i bindur që do të vijë por ende nuk është në horizont.

Pse nuk shpallni gjendjen e fatkeqësisë natyrore?

Kjo është një pyetje që bëhet gjithmonë, kjo është një situatë që na ka gjetur në një gjendje fatkeqësie, sidomos në vijën e kuqe ku e kishim të shpalluara më parë ne nuk i kemi lënë gjë mangut asgjë kemi zbatuar të gjithë masat e nevojshme. Do e bëjmë dhe atë por nuk është një ndryshim është thjesht akt formal.

Kur mund ta bëni një gjë të tillë apo kur situata mund të rëndohet?

Kur ta bëjmë do jua themi, është një akt formal.

Sa kam lexuar nga specialistët COVID 19 është një sëmundje që shpërndahet në mjediset e mbyllura dhe në ambjente të mbyllura?

Fasoneritë dhe fabrika të ndryshme vijjnë të qëndrojnë të hapura në kuadër të masave të marra dhe plotësimit të kushteve për punonjësit.Është ndryshe nëse shkohet në stadium apo koncert dhe në restorant nga ana tjetër nëse respektohen rregullat, pasi virusi nuk është aeroplan nga një kokë në tjetrën, por kalohet te tjetri përmes kontakteve përmes shtëngimit të duarve apo nga pështyma nga teshtitja dhe kollitja. Nese qëndrohet në distancë dhe nuk preket fytyra hunda apo goja me ato duar kur punohet nuk ka asnjë rrezik.

Janë kryer pagesa këto kohë dhe janë bërë dhe blerje koncesioni i Check up. A mundet që të pezullohet pagesa për këto shërbime në momentin që ne nuk i marrim këto shërbime?

Kjo është një pyetje që vjen nga linja e shkëputur. Kontrolli mjeksor bazë është pezulluar për gjashtë muaj.

Po për shërbimet e tjera?

PD  atë liste e ka laj thaj pllakë gramafoni, se ka shi se ka diell, se ka tërmet etj, te njejten perserit. Ndërsa ne faktikisht nga koncesionet nuk kemi bërë vetem një por kemi bërë disa ndalime të përkohshme të financimin e tyre për të pasur gati një hapësirë fiskale që mund të ketë nevojë kjo luftë. Koncesionet nuk janë para që futen në një thes dhe i jepin një individi, por janë taksa të qytetarëve qe shteti i perdor per sherbime te ndryshme. Nëse dikush shkon sot dhe bën dializën siç bëhet në çdo vend të Evropës tashmë është se shteti paguan për të, nese sot ne kemi një ulje drastike të infeksioneve në spitale tona kjo ndodh sepse janë përmirësuar kushtet higjeno sanitare në spitale tona.

Meqë ju përmendet mbrojtjen e mjekëve ju keni një fond të caktuar për të përballuar këtë situatë si do të përdoret pasi ka dalë se një numër i lartë mjekësh të prekur siç është te Shefqet Ndroqi dhe rrezikshmeri per sistemin shëndetsor.

Fasoneritë dhe fabrika të ndryshme vijojnë të qëndrojnë të hapura në kuadër të masave të marra dhe plotësimit të kushteve për punonjësit. Është ndryshe nëse shkohet në stadium apo koncert dhe në restorant nga ana tjetër nëse respektohen rregullat, pasi virusi nuk është aeroplan nuk shperndahet nga një kokë në tjetrën, por kalohet te tjetri përmes kontakteve përmes shtrëngimit të duarve apo nga pështyma nga teshtitja dhe kollitja. Nëse qëndrohet në distancë dhe nuk preket fytyra hunda apo goja me ato duar kur punohet nuk ka asnjë rrezik./abcnews.al

kine-2.jpg
eri Ida12:20 | 16/03/2020

Kina duket se tashmë ka arritur që pak nga pak të mposhtë virusin që u ka marrë jetën mbi 3 mijë personave në këtë shtet.

Së fundmi në Kinë janë regjistruar vetëm 12 viktima dhe raste të reja të konfirmuara janë vetëm 18. Ndërkohë mediat ndërkombëtare raportojnë se trembëdhjetë provinca në Kinë nuk kanë më asnjë rast të konfirmuar me koronavirus për të trajtuar.

Provincat janë:

Rajonet autonome të Tibetit, Rajoni autonom  Xinjiang, Qinghai, Fujian, Anhui, Jiangxi,  Shanxi, Hunan, Jiangsu, Chongqing, Guizhou, Jilin dhe Bashkia Tianjin.

Shpresa vjen nga Wuhani, ku u identifikua për herë të parë virusi, paralajmëroi se ende po përballet me një epidemi “të rëndë” mes një vazhdimi të rasteve të transmetuara në vend.

Ndërkohë në në Kinë deri më tani që me shfaqjen e koronavirusit janë regjistruar 3,213 të vdekur dhe 80,866 të infektuar./abcnews.al

nano-meta.jpg
eri Ida21:58 | 21/02/2020

Monologu i kësaj të premteje i Mustafa Nanos është fukosur tek grushti i shtetit i paralajmëruar ng presidenti Ilir Meta dhe nga thirrja e tij për qytetarët që të protestojnë me 2 mars në mbrojtje të institucioneve.

Nano thekson se nuk është në të drejtën e një presidenti që të thirrë një protestë të tillë, sipas tij kreu i shtetit ka dalë nga binarët kushtetues dhe është bërë njësh me një palë.

Ndër të tjera në Monologun e tij Mustafa Nano është shprehur se Meta ka marrë qartë një funksion të qartë opozitar, ai është bërë një politikan  ekstremist i kushtetutës dhe me këtë ai ka kompromentuar detyrimin kushtetues për të qenë simbol i unitetit kombetar.

Monologu i plotë:

Po e filloj duke thënë një gjë në favor të presidentit mazhoranca e majtë po bën përpjekje për ta anashkaluar rolin e presidentit në procedurën e zgjedhjes së anëtarëve të Gjykatës Kushtetuese që sipas Kushtetutës i takojnë presidentit. Ti zgjedhë emërojnë dhe ti dekretojë. Kjo është një përpjekje që ato bëjnë për të marrë nën kontroll këtë institucion që është një institucion shumë i rëndësishëm që sipas meje, shqetësimi i presidentit Meta është i drejtë,ky është edhe një shqetësim i imi. Prandaj mazhoranca duhet të heqë dorë nga tentativa të tilla. Ajo që po kërkon presidenti është përtej kufinjve të logjikës përtej kufijve të arsyes, përtej kufijve të logjikës, përtej madje të kufinjve të imgjinatës. Ai ka zbuluar dhe po denoncon një një grusht shteti në Shqipëri  një grusht shteti që po zhvillohet para syve tanë sipas atij.

Me grusht shteti sipas të gjithë përkufizimeve ne duhet të kuptojmë një përpjekje të pak njerëzve të një pakice me qëllim për të rrëzuar pushtetin legjitim të një shumice dhe nuk mund të kuptojmë përpjekjet që mund të bëjë një shumicë për ti rritur më shumë fuqitë vetes, ky është grushtri i shtetit. Ndërsa presidenti Meta mund të ketë një përkufizim tjetër për grushtin e shtetit në kokë, prandaj është duke denoncuar një grusht shteti fantomatik, është vërtet një grusht shteti fantomatik. Prandaj ai u bën thirrje shqiptarëve që në datën 2 mars të mblidhen të gjithë dhe të dalin në Bulevardin Dëshmorët e Kombit dhe të prirë nga presidenti i Republikës, dhe kjo është një gjë e paprecendentë që presidenti të dalë dhe të organizojë protestë, ato të p[ërpiqen të frenojnë këtë për të organizuar këtë grusht shteti dhe e dyta kjo është më e rëndësishme më qesharakja qytetarët duhet ti thonë jo dhe duhet ti vënë kufirin çdo përpjekje të mafias ndërkombëtare për të marrë nën kontroll vendin tonë. Presidenti Meta ka lënë të nënkuptohet se me datën 2 mars do të bëhet nami në Bulevardin Dëshmorët e Kombit, sepse qytetarët do të marrin në dorë institucionet.

Për mua presidenti i Republikës ka dalë nga binarët kushtetues, në asnjë faqe apo rresht të kushtetutës presidentit nuk i njihet e drejta, apo detyrimi apo atributi për të mbrojtur apo ruajtur kushtetutën, e dyta është se presidenti është bërë njësh me njërën palë. Ai ka marrë një funksion të qartë opozitar, ai është bërë një politikan  ekstremist i kushtetutës dhe me këtë ai ka kompromentuar detyrimin kushtetues për të qenë simbol i unitetit kombetar. Ai nuk mund të jetë simbol i unitetit kombëtar duke vjellë dhe nxjerr zjarr nga mëngjesi deri mëngjesin tjetër nga goja. Unë përsëris shqetësimi i tij është i drejtë por nëse zien nga ky shqetësim ai duhet të lërë presidencën ai nuk mund të bëjë opozitarin brenda presidencës. Nëse ai vendos të bëjë opozitarin brenda presidencës atëherë ai bën pis funksionin e shenjtë të presidentit. Në fakt ai e ka bërë pis gjithmonë këtë fuinksion, madje ai e ka bërë pis që në krye të herës. Nuk e di nëse ju kujtohet ai u zgjodh president dhe pati një interval kohe në dispozicion deri në në momentin që i duhej të bënte betimin si president, dhe ky interval kohe përkoi me zgjedhjet parlamentare të fundit dhe në këto zgjedhje ne pamë Ilir Metën të sapo zgjedhur si president që veshi qyrkun e kryetarit të LSI-së që nuk ishte zhveshur akoma në fakt, bëri një nga fushatta më të egra dhe luftarake që ai ka bërë në karrierën e vet politike duke kompromentuar rëndë ngjarjen e sapondodhur që kishte të bënte me zgjehdjen e tij si president.

Unë mendoj se Ilir Meta po e bën këtë gjë jo se ka ndonjë gjë kundër ramës, ai thellë thellë në mendjen e vet është duke e uruar Ramën, se i ka dhënë një alibi ky i fundit një arsye që Ilir Meta të çojë deri në fund betejën e tij politike që ai e ka prej kohësh në kokën e vet dhe kjo beteje ka të bëjë me qëllimin e tij për të marrë në dorë frenat e opozitës, gjithçka që po ndodh po ndodh kundër Lulzim Bashës. Nëse Meta do ta bëjë këtë gjë le ta bëjë madje kam përshtypjen mund ti bëhet mirë edhe opozitës por ai këtë gjë nuk mund ta bëjë nga zyra e presidencës duke mbajtur veshur kostumin e presidentit, ai duhet ta heqë këtë kostum. Apeli im është i thjeshtë. Zoti Meta bëni presidentit dilni për zot funksionit të Presidentit, nëse në mendje keni betejën politike për sa fola atëherë duhet të largoheni nga Presidenca, kjo është për të mirën tuaj dhe mbi të gjitha për të mirën tonë, ky është një imperativ ne nuk e meritojmë, ne nuk duam të kemi në presidencë një njeri që e ka mendjen tek betejat e veta politike ne duam një president që të jetë simbol i unitetit kombëtar./abcnews.al

basha-4-933x445.jpg
ad min13:00 | 11/07/2019

Kryetari i Partisë Demokratike  Lulzim Basha ka nisur një tur takimesh nëpër Shqipëri për të diskutuar mbi hapat që do të hidhen në vazhdim pas procesit të 30 qershorit. Me strukturat e Partisë Demokratike në Vlorë shefi i opozitës ka nënvizuar gjatë fjalës së tij se qyteti bregdetar spikati me bojkotin që i bëri zgjedhjeve vendore.

Situatën politike pas 30 Qershorit dhe vazhdimin e aksionit politik të opozitës Lulzim Basha e ka diskutuar edhe me strukturat e Partisë Demokratike në Vlorë.

Sipas shefit të opozitës, Partia Demokratike e ka marrë leksionin e 30 Qershorit dhe se po vazhdon të punojë pa ndërprerje që bojkotin masiv ta kthejë në mazhorancë kombëtare për ndryshim.

Kryedemokrati tha se  akti më i fundit që kundër interesit të qytetarëve  është vendimi për të rritur sërish taksën e karburantit me 200 lekë për litër.

Gjatë takimeve me strukturat e Partisë Demokratike Lulzim Basha është ndalur fillimisht në Selenicë, në një bashki që drejtohej deri më 30 Qershor nga demokratët./ABC News Albania 24/7

filmiii.jpg
ad min22:44 | 25/04/2019

Një film që paraqet historinë e luftës në Kosovë dhe momentin kur forcat ruse u futën nga Bosnja dhe u përqendruan në aeroportin e Prishtinës ka krijuar tensione në Serbi. Tema e filmit ka shtyrë drejtorin e Shtëpisë së Kulturës në Bujanovc që ta ndalojë shfaqjen e tij, ndërsa një parti serbe ka kërkuar shkarkimin e drejtorit.

“Mexha” është turqizëm për kufirin. Rreth këtyre çështjeve Ballkani lufton me shekuj. Në Mexhën e Ballkanit, një film i produksionit serbo-rus, në stilin e filmave aksion amerikan tregon historinë kur forcat nga Moska vendosin të marrin Aeroportin e Prishtinës në Sllatinë.

Forcat ruse në fakt ishin futur në Kosovë, por për një betejë të tillë nuk dihet shumë. Ata janë tërhequr nga misioni me KFOR-in katër vite më vonë. Kështu ka qenë premiera në kryeqytetin serb. Atmosferë festive. Ky film nxiti reagime në Serbi dhe Rusi.

Kështu disi ishte planifikuar të shfaqej edhe në qytetin e Bujanovcit, në jug ku shqiptarët e serbët jetojnë bashkë. Jeton Ismaili, drejtor i Shtëpisë së Kulturës, të cilën e kontrollon komuna, ka marrë vendim për ta ndaluar shfaqjen e këtij filmi.

Ai beson se një gjë e tillë mund të ngrejë tensionet në këtë qytet. Vendimin e marrë nuk e kthen dhe thotë se Shtëpia e Kulturës është e gatshme për bashkëpunime, por për të afruar popullin.

Jeton Ismaili, drejtor i Shtëpisë së Kulturës në Bujanovc: “Është një qytet multietnik. Sa i përket llojit të filmit, unë them se në të paraqitet një farë urrejtje mes popullit shqiptar dhe atij serb”.

Produksioni i filmit nuk e ka komentuar këtë ngjarje shumë. Por, në Serbi reagimet kanë qenë të shumta. Ndalimin e filmit e kanë komentuar edhe zyrtarët.

Vlladan Vukosavljeviç, ministër i Kulturës, Serbi: “Besoj se këtë situatë do ta zgjidhim me një mendje të shëndoshë. Presim që qeverisja lokale të ndërmarrë një lëvizje të kuptueshme. Gjithsesi, ky lajm nuk është i mirë pasi nuk është në përputhje me politikat kulturore dhe as me politikat e këtij shteti apo pushteteve lokale. Këtë e trajtojmë si një incident, natyrën e të cilit jemi duke e verifikuar”.

Por në Bujanovc kjo nuk bën përshtypje. Ismaili thotë se nuk e tërheq vendimin.

Jeton Ismaili, drejtor i Shtëpisë së Kulturës, Bujanovc: “Filmi, sa të jem unë drejtor, nuk do të shfaqet në Bujanovc. Sa i përket pasojave, dihet si vendosen drejtorët në Bujanovc. Partia serbe ka kërkuar shkarkimin tim, të shohim ç’do të ndodhë”.

Pak projekte të përbashkëta artistike ka në mes të shqiptarëve dhe serbëve. Historitë e luftës duket se pas dy dekadave e kanë mexhën më të gjatë./abcnews.al

edi-rama-dhe-basha.jpg
ad min20:13 | 09/03/2019

4 deputetë të rinj zunë vendet nga listat e PD e LSI në Kuvend, ndërsa opozita mbante protestën e radhës para Kuvendit të Shqipërisë, duke kërkuar largimin e Kryeministrit. Ky i fundit, në një gjest të pahasur më parë, shkoi në Itali, ku mori me radhë disa nga studiot televizive e zyrat e gazetave, duke dhënë qëndrimin e tij, për çka po ndodhte në Shqipëri, e pa asnjë lloj takimi me zyrtarë të lartë, siç do i takonte një Kryeministri. Në Tiranë, deputetët e vet, në një shpërndarje të koordinuar në të gjitha studiot tv, përsërisnin mesazhet e shefit të qeverisë, e vend në media iu bë edhe atyre që pranonin të ishin pjesë e Kuvendit. Nga ana tjetër, shefi i opozitës spikaste si solisti i vetëm, në atë që tashmë është shndërruar në betejë politike për perceptimin publik, e ku qeverisja e vendit, jo vetëm metaforikisht, ka kaluar në plan të dytë.

Po çfarë ndodhi javën politike që lamë pas?

Për të dytën javë radhazi, mazhoranca sprovoi organizimin e opozitës, që paralajmëron protesta në çdo ditë seancë plenare. Kuvendi u mblodh sërish të martën, e ora u njoftua vetëm 24 orë para. Kësaj sprove politike mes palëve, i vuri emrin Presidenti i Republikës. I shigjetuar si nga raporteri për Shqipërinë Fleckenstein, që i referohet kryetares së LSI si zonjë e parë, ashtu edhe nga Kryeministri që LSI i referohet si partia e Presidentit, Ilir Meta si kryetar shteti sheh dy aktorë në këtë krizë.

I vetmi që iu përgjigj ishte Lulzim Basha, por jo me reflektim ndaj mesazhit. Por hapa para bëheshin edhe ndaj opozitës. KQZ u dha mandatin e deputetit 4 kandidatëve nga listat e LSI. Mazhoranca u kujdes të bënte të ditur se të katër do betoheshin 24 orë me vonë në Kuvend, të martën e seancës plenare, e njëjta shpejtësi orare e përdorur edhe kur 57 deputetë të opozitës hoqën dorë në bllok nga mandatet, e dy të tjerë më vonë. 5 kandidatë të tjerë kanë dorëzuar formularët e dekriminalizimit, në pritje për marrjen e mandatit. Basha shfrytëzoi një takim me aleatët në seli për të shprehur qëndrimin për atë rrjedhje të nisur të kandidatëve, edhe nga listat e tij. Mesazhi kryesor ishte një tjetër: informimi i publikut se veç dosjes së mirënjohur 339 ku flitet edhe për blerje të zgjedhjeve, ekziston edhe një e ngjashme me nr 184, mbi zgjedhjet e parakohshme vendore në Dibër.

E marta e gjeti opozitën në protestën e katërt brenda tre javëve, e qëkur ka lënë mandatet, është zhvendosur para parlamentit në çdo seancë plenare. Pas dilemave që dominuan deri vonë, KM e theu traditën e mosqëndrimit në Tiranë në ditë protestash opozitare.  Protagonistët e asaj seance ishin katër deputetët e rinj. Spikati një mesazh i posaçëm për deputeten e PD Rudina Hajdari, e cila e ka ende mandatin. I vëllai Kiri, dha një mesazh të kundërt me të motrën. Pas tyre edhe aleatët e ish-deputetët, i dhanë publikut mesazhe se opozita ishte e unifikuar në atë vendim. Në seancë strategjia dukej ç’tensionimi i deputetëve, që kishin dalë kundër vendimit politik të forcës që i kishte propozuar. Vetë Kryeministri mori përsipër ta paraqiste si normalitet. 

Nëse Rama ka hallin e vizatimit të tyre si opozita, nga jashtë halli i Bashës është tek të tjerët që vetë ka vënë në lista, e do bëjnë të njëjtin veprim. Me numrat formalë opozitarë, Bashës i bëhet ftesë e shantazh. Por që të bëjë lëvizjen e pazakontë, duke shmangur opozitën emblematike, Rama ka nevojë për mbështetjen e të vetëve, e prandaj ua kujtoi se duhet t’i qëndrojnë pas. Të vetët iu përgjigjën duke respektuar skenarin. Mesazhet e Kryeministrit ishin pjesë e çdo fjalimi, edhe pse rendi i ditës kishte çështje konkrete, e ata që dikur u devijonin debatin, nuk ndodheshin në sallë.

Pas fjalimeve, vijimi ishte një déjà vu me djegie gome, e figurës prej kartoni të Kryeministrit, i portretizuar si Maduro i Venezuelës, e hedhje tymuesesh e shashkash. Nuk pati ndeshje me kordonin e policisë e për pasojë as gaz lotsjellës, që shkaktoi jo pak problem në tre protestat e para. Fokusi ishte tek kandidatët që do pranonin marrjen e mandateve, e me një gjest simbolik, Basha i ndjekur nga protestuesit, dorëzoi në KQZ dokumentet e refizimit të 103 kandidatëve në listat e PD të 2017. Mbyllja e protestës si zakonisht në selinë blu, ku ndryshe nga një javë më parë, interpretimin e himnit kombëtar ia besoi një profesionisti.

Përse vallë Edi Rama zgjodhi Italinë për të bërë sqarimin e tij për situatën në Shqipëri? E para ishte një dalje 30 minutëshe, 20 minuta pas mesnatës, tek emision autoritar Porta e Porta, i gazetarit veteran Bruno Vespa në RAI 1. Mesazhi i kryeministrit ishte ai që u kishte thënë edhe gazetarëve italianë, që e kishin intervistuar në Tiranë. Balancën e kërkuar gazetareske, programi e vuri me një prononcim të shkurtër të Lulzim Bashës.

Në panelin ku spikaste miku i Kryeministrit, ish futbollisti i njohur shqiptar që jeton në Itali, Igli tare, e një sipërmarrës Italian në Tiranë, dominoi mesazhi se imazhi i vendit po dëmtohej nga aksioni i opozitës, njëlloj si integrimi. Këto mesazhe erdhën identike në gojën e Kryeministrit në intervistat që pasuan, në La republica, La Sette dhe edicionin e lajmeve të TG 5.

Në Shqipëri mediat vazhdojnë të ushqehen me deklarata nga Brukseli, edhe pse kryesisht në nivel burokratësh e jo vendim marrësish politikë. Përveç 7 eurodeputetëve javën e kaluar në Tiranë, të tjerët kanë preferuar të mos u japin zë e figurë deklaratave të tyre. Pas shefes së diplomacisë Mogherini e komisionerit për zgjerimin Hahn, të njëjtën rrugë të pazëshme zgjodhi edhe kryetarja e delegacionit parlamentar BE-Shqipëri, eurodeputetja Monika Makovei, për të thënë se veprimet e opozitës rrezikojnë të nxjerrin vendin nga shinat e reformave.

Ky mesazh për legjitimitet, që përputhet me atë të Fleckenstein e kolegët e tij në Tiranë, kontrastoi fort me një deklaratë me zë e figurë javën politike që lamë pas, nga ish ambasadori amerikan në maqedoni Filip Riker, që pas emërimit, së shpejti merr detyrën e zv/ndihmës sekretarit të shtetit. Teksa theksoi se palët duhet të merren vesh në kuvend, mesazhi i Riker nga Shkupi tingëlloi i ngjashëm me ato që përcillte jo shumë larg në Tiranë, një tjetër zyrtar amerikan, Donald Lu, një mesazh që çuditërisht nuk haset në artikulimet që vijnë nga BE

BE preferon mesazhet tradicionale që prekin kornizën e situatës por jo atë vetë. I përcolli pas takimeve me aktorët në Tiranë, edhe drejtori për zgjerimin në KE, sektori ku draftohen progresraportet, pas informacioneve të grumbulluara. Në pritje të protestës së 16 marsit para Kryeministrisë, zv ambasadorja amerikane, vijon kontaktet individualisht me palët, së pari me Lulzim Bashën e Monika kryemadhin.

Pasditen e të enjtes diplomatja amerikane pati një takim edhe me Ramën. Mesa duket aspak i vetmi në axhendën e asaj dite në godinën e qeverisë, nga e cila u panë të dilnin ish drejtorë, ministra e deputetë. Këta të fundit vijojnë prezencën e shtuar televizive, mes mesazheve taktike e diversionin për rivalët politikë.  Kryeministri e ka të qartë se denoncimet për votat në zgjedhje, mbeten një pikë e errët për qeverisjen e tij, edhe pse ritmi i hetimit të prokurorisë duket i avashtë, e do kapërcejë mandatin e të zgjedhurve vendorë. Për pasojë, nga mohimi, Kryeministri kaloi në akuzë ndaj aleatit të vet të dikurshëm, sot në krah të Bashës.

Mes përpjekjeve nga një anë për të mbushur vendet e opozitës në Kuvend, e tjetrës për t’u siguruar që ato të mbeten bosh, e në mungesë të Gjykatës Kushtetuese që do sqaronte shumë veprime të errëta ligjore, jo vetëm javët e fundit, e dukshme është se vëmendja totale e të dyja palëve është për perceptimin public. Qeverisja e shqiptarëve ka kaluar në plan të dytë, e vendi ngjan në fushatë zgjedhore. Nga njëra anë, strategjia e KM për të relativizuar aksionin e protestat e opozitës, të cilat e ndjekin edhe në aktivitetet në rrethe, më i fundit 8 Marsi në fier. Nga ana tjetër, Basha që paralajmëron se në 16 Mars do ia çojë qytetarët edhe më masivisht para Kryeministrisë. Sa mund të zgjasë kjo sprovë force paralizuese për vendin? Vështirë të parashikohet, e natyrisht rezultati mbetet për t’u parë!/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono