E ndërsa studentët kanë bërë një peticion duke kërkuar rikthimin në auditore, sot në orën 14:00 do të vendoset si do të vijohet me mësimin në universitete. Ministrja e Arsimit Evis Kushi do të zhvillojë një takim me rektorët e universiteteve.
Gazetari “ABC” Maksi Rama mëson se temë diskutimi do të jetë rikthimi ose jo në auditore për sezonin e provimeve.
Rektorët kanë disa skenarë për t’i propozuar ministrisë, një prej tyre është edhe rikthimi në auditore por kjo shihet me rezerva gjithmonë duke u bazuar në kapacitetet e auditoreve dhe rëndësinë e ruajtjes së distancës.
Rektorët pritet që të shfaqin edhe problematika të tjera që janë shfaqur gjatë kësaj periudhe në mësimin online për shkak të pandemisë.
/ db/Abcnews.al
