Loading ...
Kanë marrë një tjetër kthesë hetimet për vrasjen e arkitektit italian, Roberto Mottura. Mediat italaine raportojnë se një prej shqiptarëve të arrestuar për ngjarjen është liruar nga burgu.
Avokati i Flaogert Sylës, 26 vjeç, Fabio Della Corte ka arritur të provojë që në momentin e ngjarjes, ndodhej në shtëpi së bashku me të dashurën, në një banesë në qendër të Valle di Maddaloni.
Të riun shqiptar e kanë shpëtuar disa foto që janë shkrepur nga celulari disa momente para krimit.
Në total për ngjarjen e rëndë u ndaluan tre shqiptarë. Ata kishin shkuar për të grabitur shtëpinë e arkitektit, i cili u mundua që të kapte në befasi 3 hajdutët. Por fatkeqësisht një prej tyre e qëlloi me armë dhe 49-vjeçari nga Torino ndërroi jetë në sy të gruas dhe djalit. g.v/abcnews.al
