Komisioni për Inceneratorët, afati i punimeve tre muaj, në krye Jorida Tabaku, çfarë do të hetojë

Komisioni Hetimor për kontrollin e ligjshmërinë së veprimeve të organeve publike për administrimin e impianteve të trajtimit të mbetjeve urbane (inceneratorëve) do të nisë punimet ditën e nesërme.

Në fletoren zyrtare është botuar vendimi për ngritjen e këtij komisioni ku përcaktohen anëtarët, afatet si dhe objektivat e këtij komisioni. Ky hetim synon të nxjerrë përgjegjësit institucionalë për garantimin e transparencës, mbrotjtjes së konkurrencës dhe tregut të lirë si dhe garantimin e të drejtës së qytetarëve për mjedis të pastër.

Objekti i punës së komisionit hetimor është:
Kontrolli i zbatimit të ligjeve nga ana e organeve publike në procedurat për ndërtimin dhe administrimin e impianteve t ë trajtimi t të mbetjeve
Verifikimi i pasojave ekonomike në buxhetin e shtetit shqiptar, si rezultat i veprimeve apo mosveprimeve të organeve publike.
Verifikimi i efekteve mjedisore dhe pasojave mbi konkurrencën dhe tregun e lirë.
Vlerësimi i nevojës për marrjen e masave ligjore për mbrojtjen e konkurrencës së lirë dhe parimit të mosdiskriminimit.
Vlerësimi i nevojës për marrjen e masave të përshtatshme ligjore për mbrojtjen e mjedisit.
Rekomandime për marrjen e masave të përshtatshme duke ndërgjegjësuar hallkat e administratës shtetërore mbi aplikimin e praktikave më të mira ndërkombëtare në fushën e mjedisit.
Vlerësimi i nevojës për përafrimin e legjislacionit për koncensionet dhe mjedisor, me direktivat dhe praktikat më të mira të BE- së.

Komisioni do të drejtohet nga deputetja demokrate Jorida Tabaku dhe do të ketë në përbërjen e tij 15 anëtarë, ndërsa punimet e tij do të zgjasin për tre muaj.