Atalanta do të luajë të martën ndeshjen kundër Manchester United në Champion League. Një sfidë e rëndësishme kjo për “bergamaskët”, që do të luajnë kundër një skuadre të etur për fitore, që në gjirin e saj ka lojtarë të mëdhenj.
Te skuadra e Atalantës është aktivizuar si titullarë edhe berat Gjimshiti, i cili gëzon edhe simpatinë e trajnerit Gian Piero Gasperini.
Pas ndeshjes kundër Lacios tekniku i Atalantës u pyet edhe për lojtarët e dëmtuar, ku mes tyre është edhe mbrojtësi i Kombëtares Shqiptarë, Berat Gjimshiti.
“Jam duke menduar për Gjimshitin. Në thelb, ai nuk kishte problem me muskujt dhe po punon vazhdimisht. Me mbrojtjen e duhur (një mbajtëse në krah) mund të rikthehet”, shprehet Gasperini.
Një lajm i mirë ky edhe për kombëtaren shqiptare për dy ndeshjet kundër Anglisë dhe Andorrës, që do të ketë gati një nga mbrojtësit më të mirë të saj.
Kujtojmë se Gjimshiti u dëmtua në ndeshjen kundër Hungarisë, ku u detyrua të linte edhe fushën e lojës. Me operimin në krahun e majtë u mendua se do mungonte më shumë se 1 muaj. /f.a/abcnews.al
