Loading ...
Sipas një hulumtimi të kryer nga Universiteti i Milanos dhe i botuar në “Parasites&Vectors, mushkonja koreane, Aedes koreicus, e cila i reziston të ftohtit, ka mbërritur në Lombardi, shkruan skytg24
Në verën e vitit 2020, gjatë një studimi të vendeve më në rrezik veçanërisht midis provincave të Bergamos dhe Brescia, studiuesit mblodhën rreth 6 mijë larva dhe qindra vezë mushkonjash nga pellgje dhe kontejnerë etj. Shumë nga këto mushkonja i përkasin specieve Aedes koreicus, ndoshta me origjinë nga popullsia e ishullit vullkanik të Koresë së Jugut.
“Mushkonja koreane është endemike në Japoni, në Kinën veriore, në Korenë e Jugut dhe në disa zona të Rusisë.
E raportuar për herë të parë në Itali në 2011 në provincën e Belluno, në lartësi dhe kushte klimatike të papërshtatshme për mbijetesën e shumicës së llojeve të mushkonjave. Që atëherë raportet në Italinë veriore janë shtuar.
Kjo mushkonjë, ndryshe nga ‘motrat’ e njohura të gjinisë Aedes, si mushkonja tigër, i reziston temperaturave të ulëta, aq sa tashmë ka kolonizuar një zonë të madhe kodrinore-malore të Venetos dhe Trentinos ”, sipas Sara Epis, eskperte e Departamentit të Bioshkencave dhe koordinatore e kërkimit.
“Përhapja e mushkonjave në ultësirën e krahinës së Bergamos na bën të mendojmë se aeroporti ndërkombëtar i Orio al Serio mund të jetë një rrugë e mundshme e përhapjes së mushkonjave. Ose, Aedes koreicus mund të jetë futur në zonën e Bergamos nga zona të tjera të infektuara të Italisë ose Zvicrës.
Padyshim që studimet e mëtejshme gjenetike do të na ndihmojnë të kuptojmë më mirë origjinën e tij ”nënvizon Paolo Gabrieli, studiues në të njëjtin Departament. Sipas studiuesve, hetimet mbi mushkonjat, dhe veçanërisht mbi speciet e huaja invazive, duhet të intensifikohen, veçanërisht në lidhje me aftësinë e tyre për të transmetuar viruse patogjene te njerëzit dhe kafshët.
/abcnews.al
