Është mbledhur sot Komisioni Hetimor për zgjedhjet e 25 prillit. Kryetari Enkelejd Alibeaj bëri me dije se fillimisht duhet të bëhet konstituimi i komisionit.
Sakaq, Gazment Bardhi tha se një anëtar i maxhorancës, Etjen Xhafaj duhet të largohet, pasi komisioni duhet të ketë jo më shumë se 15 anëtarë.
“Ka një problem në përbërjen e komisionit sepse janë 16 anëtarë, komisioni nuk duhet të ketë më shumë se 15 anëtarë. Neni 11 i ligjit përcakton se çfarë përmban mbledhja e parë e komisionit hetimor. Kryetari ka detyrimin të prezantojë të dhëna paraprake dhe të deklarojë të hapur hetimit.për të shkuar te kjo pikë e deklarimit nga ana e kryetarit, komisioni do të duhet të ketë miratuar edhe rregulloren. Rregullorja është standarde,” u shpreh ai.
Pas Bardhit, sërish e mori fjalën Alibeaj, i cili i dha të drejtë. “Siç e tha dhe zoti Bardhi, në mbledhje nuk mund të marrë pjesë asnjë anëtar zëvendësues. anëtarët zëvendësues marrin pjesë kur një nga anëtarët e përcaktuar nuk është prezent, dhe sot nuk bëhet fjalë për këtë gjë. Kështu që zoti Xhafaj, ju mund të rrini sot në mbledhje, por nuk keni të drejtë të merrni pjesë në diskutime,” tha Alibeaj.
Përbërja e komisionit:
Enkelejd Alibeaj, PD, kryetar
Toni Gogu, PS, nënktryetar
Anëtarët nga Partia Socialiste:
Klotiloda Bushka
Blerina Gjylameti
Arora Mara
Klevis Xhoxhi
Nasip Naço
Petro Koçi
Bardhyl Kollçaku
Anëtarët nga Partia Demokratike:
Gazment Bardhi
Oerd Bylykbashi
Ferdinad Xhaferraj
Ervin salianji
Kreshnik Collaku
Anëtari i pavarur:
Petrit Vasili
Zëvendësues nga PS:
Xhemal Qefalia
Etjen Xhafaj
Zëvendësues nga PD:
Arbi Agalliu
Lindita Metaliaj
Kujtojmë se komisioni u ngrit me kërkesë të Partisë Demokratike, për të hetuar zgjedhjet e 25 prillit, të cilat opozita i cilëson si masakër elektorale. Komisioni ka tre muaj kohë për të bëre hetime. g.v/abcnews.al
