Pas ndeshjeve të kombëtares vëmendjen e merr Kupa e Shqipërisë që luan sot ndeshjet e kthimit. Janë 12 sfida që do luhen ditën e sotme në orën 13:30.
Vllaznisë e cila ndodhet në grupin B, do i duhet të përmbys rezultatin e ndeshjes së parë ndaj Labërisë, për të bërë të mundur një kualifikim në fazën tjetër të këtij turneu.
Kukësi, Laci dhe Engatia janë skuadrat e tjera të grupit B që në ndeshjen e parë nuk kanë arritur më shumë se një barazim, dhe sot iu duhet me patjetër fitore për të pasur mundësinë të luajnë të paktën edhe një ndeshje tjetër të Kupës së Shqipërisë. Çdo rezultat tjetër përvec fitores është një zhgënjim.
Ndërsa situata në grupin A është më qetë, sepse skuadrat që luajnë në kampionat, Teuta, Partizani, Skenderbeu dhe Tirana kanë siguruar rezultate pozitive në ndeshjet e para të Kupës së Shqipërisë.
Ditën e nesërme do të zhvillohen 4 sfidat e mbetura. Dinamo e cila ndodhet në grupin A do i hynte në punë vetëm fitorja ndaj Erzenit, duke pasur parasysh se në ndeshjen e parë ka humbur. /abcnews.al
