Mbi 1 mijë raste me Covid dhe 33 viktima në Greqi

Gjatë 24 orëve të fundit në vendin fqinj në Greqi kanë humbur jetën nga covid 33 persona  dhe janë konfirmuar të infektuar me Covid 1 305 raste të reja nga 153 908 testime.

Ndërkaq në orët e fundit në spital janë shtruar 192 qytetarë dhe vijojnë të jenë në intubim 348 pacientë.

Nga fillimi i pandemisë e deri më tani numri i përgjithshëm i rasteve është 630,784 (ndryshim ditor + 0.2%), nga të cilët 51.0% janë meshkuj.

Ndërkohë numri i viktimave nga Covid në Greqi ka shkuar në 14,466 vdekje./abcnews.al