Ndërkohë, që deputetë e grupit parlamentar të Partisë Demokratike po grisin të gjithë fletët e votimit për Lindita Nikollën si kryetare të Kuvendit, aleatët po vijojnë me procedurën.
Kreu i PBDNJ, Vangjel Dule ishte i pari që votoi duke hedhur fletën në kuti. Gjithashtu edhe kryetarja e LSI, Monika Kryemadhi bëri të njëjtën gjë. Po ashtu, edhe deputetët e LSI, Agron Çela, Petrit Vasili dhe Erisa Xhixho votuan sipas procedurës.
Kujtojmë se Lulzim Basha i ka udhëzuar të gjithë deputetët që të votojnë kundër Lindita Nikollës, ndërsa demokratët po demostrojnë kundërshtinë e tyre edhe duke grisur fletën. g.v/abcnews.al
