Çifti i njohur, Olivia Munn dhe John Mulaney priten të bëhen së shpejti prindër. Ishte vetë John që konfirmoi lajmin e ëmbël të martën në “Late Night With Seth Meyers”.
Ai foli dhe për mbështetjen që i ka dhënë aktorja gjatë rehabilitimit për shkak të abuzimit me drogën dhe alkoolin.
“Unë hyra në këtë marrëdhënie që ishte vërtet e bukur me dikë të pabesueshëm. Ajo më ka mbajtur dorën nëpër atë ferr dhe ne do të kemi një fëmijë së bashku”, u shpreh John.
Kujtojmë që dyshja u takuan për herë të parë në dasmën e Seth Meyers në 2013, por vetëm para katër muajsh e bënë publike për herë të pare romancën e tyre./abcnews.al
