Shqipëria U21 do të përballet me Çekinë më 6 shtator, prej orës 18:00 në transfertë. Ky duel është i vlefshëm për kualifikueset e EURO 2023 për 23-vjeçarë. Trajneri Alban Bushi ka shpallur listën e futbollistëve që do të ketë në dispozicion.
“9 nga lojtarët e grumbulluar luajnë në kampionatin shqiptar, ndërsa pjesa tjetër aktivizohen me klube të huaja ndër të cilët janë Kristjan Asllani i Empolit, Anis Mehmeti i Wycombe, Armando Dobra i Ipswich, Angelo Ndrecka i Lazios, Bernard Karrica i Rijekës, etj.
Në listën është edhe Dijar Nikqi, sulmuesi i talentuar 17-vjeçar që ka bërë paraqitje të mira me fanellën kuqezi së fundmi e që është lojtar i perspektivës.
Kombëtarja U-21 do të nisë grumbullimin më datën 29 gusht në Elbasan dhe pas rreth 6 ditësh përgatitje intensive, më datë 4 shtator do të udhëtojë drejt Republikës Çeke për ndeshjen e datës 6 shtator”, njofton FSHF mes të tjerash.
Shqipëria është në Grupin G së bashku me Anglinë, Republikën Çeke, Slloveninë, Andorrën dhe Kosovën. /abcnews.al
