Një sherr për motive të dobëta është regjistruar ditën e sotme në Vlorë.
Sipas Policisë 37-vjeçari E.M., dhe 17-vjeçari S.M., të dy banues në Fier janë konfliktuar me një tjetër person në një parking në lagjen “1 Maji” në Vlorë dhe për pasojë kanë plagosur me thikë 29-vjeçarin R.M i cili ndodhet në spital jashtë rrezikut për jetën dhe gjithashtu kanë dëmtuar fizikisht 25-vjeçarin me inicialet K.K.
Ndërkohë gjatë kontrollit fizik , 17-vjeçarit i është gjetur dhe sekuestruar një përforcues grushti , ndërsa 37-vjeçarit E.M., iu sekuestrua automjeti i markës “Mitsubishi” të cilin e drejtonte në gjendje të dehur, momentin kur është arrestuar nga uniformat blu.
37-vjeçari dhe 17 vjeçari, autorët e ngjarjes, janë arrestuar nga policia.
Ndërkohë materialet hetimore i kaluan Prokurorisë pranë Gjykatës së Shkallës së Parë Vlorë, në ngarkim të shtetasit E. M., për veprat penale “Vrasje me dashje”, mbetur në tentativë, kryer në bashkëpunim, “Plagosje e lehtë me dashje” dhe “Drejtimi i automjeteve në mënyrë të parregullt” dhe në ngarkim të shtetasit S. M., për veprat penale, “Vrasje me dashje”, mbetur në tentativë, kryer në bashkëpunim, “Plagosje e lehtë me dashje” dhe “Prodhimi, mbajtja, blerja apo shitja pa leje e armëve të ftohta”.
/abcnews.al/
