Laçi ka rinovuar kontratën me kapitenin e skuadrës, serbin Aleksandar Ignjatovic. Qendërmbrojtësi ka pranuar propozimin e drejtuesve bardhezi dhe ka firmosur.
Në orët e para të ditës së sotme klubi i Laçit ka dalë edhe me një komunikatë që zyrtarizon rinovimin me Ignjatovic.
Serbi, i cili në të shkuarën ka qenë edhe pjesë e Feyenoord në Holandë, është pjesë e Laçit prej dy sezonesh.
Ignjatovic numëron në Kategorinë Superiore 65 ndeshje dhe “shfaqja do të vazhdojë”, sikurse shkruan ai në postimin e fundit për rinovimin me Laçin. /abcnews.al
