Barcelona debuton sonte në sezonin 2021/2022 të LaLiga-s. Në “Camp Nou” vjen Real Sociedad, teksa pas 17 sezonesh ekipi katalanas do të luajë për herë të parë pa Leo Messin në fushë, me “pleshtin” që u largua te PSG.
Largimi i kapitenit i ka trishtuar të gjithë te Barcelona, por jeta vazhdon, sezoni i ri është në prag dhe duhet vijuar të luftohet për objektivat e klubit. Sergio Roberto e ka të qartë që skuadrës do i mungojnë shumë golat e yllit argjentinas.
“Askush nuk mund të zëvendësojë Leo Messin. 40 golat që shënonte me ne çdo sezon nuk mund t’i realizojë asnjë lojtar tjetër i Barcelonës”, deklaron 29-vjeçari, i cili jep edhe “zgjidhjen” e këtij problemi.
“Por ndoshta, skuadra në tërësi, mund të përpiqet të shënojë 30 gola më shumë dhe të pësojë 10 gola më pak. Ne duhet të ruajmë ekuilibrin sa më shumë që mundemi“, deklaroi “xholi” i Barcelonës. /abcnews.al
