Endri Çekiçi ka nisur një aventurë të re në karrierë ditën e djeshme. 24-vjeçari nga Pogradeci ka firmosur për dy vite me Konyaspor, skuadër që garon në elitën e futbollit turk.
Lojtari i kombëtares shqiptare, për të cilin Konyaspor shpenzoi 250 mijë euro tek Ankaragucu, ndihet i lumtur për kalimin tek ekipi ku luajnë edhe Sokol Cikalleshi, Zymer Bytyqi dhe Erdon Daci.
View this post on Instagram
“Jam i lumtur të njoftoj që jam lojtar i Konyaspor. Dua të falënderoj Ankaragucu dhe të gjithë tifozët e ekipit për mbështetjen që më dhanë vitin e kaluar, u uroj atyre fatin më të mirë“, shkruan Çekiçi në rrjetet sociale.
Mesfushorit ofensiv, i cili luan edhe si sulmues i majtë, i ka ardhur edhe një urim nga Federata Shqiptare e Futbollit. “Familja e madhe e futbollit të uron shumë suksese në këtë rrugëtim të ri“, lexohet në postimin zyrtar të FSHF-së. /abcnews.al
