Në shumë raste qytetarët shqiptarë kanë rënë pre e mashtrimeve të kryera nga persona që pretendojnë se zgjidhin problemet e tyre, me menyra nga më të çuditshmet. Një prej ketyre rasteve u publikua në emisionin investigativ “STOP”, ku një person i ashtuquajtur “shëruesi” Shefqet, zgjidhte problemet e qytetarëve.
Emisioni “Stop” trajtoi rastin e një “shëruesi” që pretendon se zgjidh hallet e qytetarëve. Por të gjitha këto probleme, “shëruesi” Shefqet i lidh me seksin. Pavarësisht nga objekti i ankesave që paraqiteshin nga ana e qytetarëve, synimi i të ashtuquajturit “shërues” ishte që meshkujt të jenë të shëndetshëm dhe potentë. Madje për këtë qëllim, nuk mungojnë as “ushtrimet demonstrative” me të gjithë ata që i drejtohen siç dallohen mjaft qartë në videon e publikuar nga emisioni investigativ “Stop”.
“Stop” ka ndjekur me kamera të fshehtë disa 3 prej seancave të këtij shëruesi. Në rastin e parë, është një vajzë e cila kërkon “shpëtim”, sepse nuk i ecën me meshkujt, ndërsa në dy rastet e tjera janë dy djem. Siç shihet në video me vajzën nuk zgjatet shumë dhe i jep disa këshilla, të shkruara në copa të vogla letre që pretendohet se janë në gjuhë arabe. Këto ishin tre kamerat e fshehta të “shëruesit” Shefqet nga emisioni investigative “Stop”, që në fakt shumë qytetarë kanë rënë pre e këtyre mashtrimeve./abcnews.al
