Georgino Wijnaldum është prezantuar sot si lojtar i PSG-së. Mesfushori holandez erdhi me parametra zero nga Liverpool dhe ka firmosur një kontratë 3-vjeçare me klubin francez, që shihet si një nga kandidatët kryesorë për fitimin e Champions League.
30-vjeçari foli përpara tifozëve të rinj, duke u shfaqur i lumtur që do të luajë me skuadrën e Mauricio Pochettinos. “Një ndjesi e fortë, pasi jam pjesë e një klubi të madh, që është i mbushur me lojtarë të shkëlqyer.
??️?
Notre recrue @GWijnaldum a accordé une interview à #PSGtv à son arrivée à Paris. L’international néerlandais évoque ce nouveau défi dans sa carrière, et les ambitions qui l’animent !
— Paris Saint-Germain (@PSG_inside) July 22, 2021
Parisi është një qytet i bukur, me një tifozeri të jashtëzakonshme. E di mirë, pasi kam luajtur kundër PSG në ‘Parc des Princes’. Kjo është një ditë e shkëlqyer për mua dhe familjen time, pasi po nisim një aventurë të re.
E kam treguar në klubet ku kam luajtur që jam një futbollist që dëshiron të fitojë. Dua të përmirësohem dhe të mësoj nga shokët e trajnerët, është pjesë e mentalitetit tim. Synoj të sjell këtë mentalitet tek ekipi dhe shpresoj të përshtatem sa më shpejt“, përfundoi Wijnaldum. /abcnews.al
