Pikturat që janë realizuar për heronjtë kombëtarë janë të shumta por ato të krijuara nga Besart Gashi janë padyshim më të veçantat. Artisti nga Kosova ka pikturuar portretin e heronjve, Adem Jasharit dhe Adem Ramadanit.
E veçanta e punimit të tij, është se Besarti i ka realizuar pa i shikuar fare. Në një lidhje me Skype për emisionin “Abc-ja e mëngjesit”, Besarti tregoi se qëllimi i tij ishte të krijonte diçka të veçantë për figurat historike të kombit.
“Kam punuar me një copë dërrase mbrapsht, Adem Jasharin dhe Adem Ramadanin. Dua t’i tregoj botës se Kosova ka artistë që mund të bëjnë të pamundurën të mundur.”, tha ai. Besarti realizoi gjithashtu live dhe portretin e këngëtares shqiptare, Dua Lipa.
/abcnews.al
