Në nëntor Pascuala Vázquez Aguilar pa një ëndërr të çuditshme për fshatin e saj Coquilteel, të vendosur mes pemëve në malet e jugut të Meksikës. Një murtajë kishte ardhur në fshat dhe të gjithë vrapuan drejt pyllit. Ata u fshehën në një kasolle midis lisave. “Murtaja nuk mund të na arrinte atje. Kjo është ajo që pashë në ëndërr,” thotë Pascuala.
Disa muaj më vonë pandemia përfshiu Meksikën dhe mijëra njerëz po vdisnin çdo javë. Por Coquilteel dhe shumë qytete të vogla indigjene në shtetin Chiapas mbetën relativisht të padëmtuara. Ky ka qenë një bekim, por gjithashtu paraqet një problem, raporton BBC, përcjell abcnews.al.
Pothuajse 30% e meksikanëve kanë marrë një vaksinë kundër Covid-19 deri më tani, por në shtetin Chiapas niveli i marrjes është më pak se gjysma e kësaj. Në Coquilteel, dhe shumë fshatra të largëta në shtet, ka të ngjarë të jetë rreth 2%. Javën e kaluar Presidenti i Meksikës Andrés Manuel López Obrador vërejti përqindjen e ulët të vaksinimit në Chiapas dhe tha se qeveria duhej të bënte më shumë.
Pascuala është udhëheqëse e shëndetit të komunitetit për 364 komunitete në zonë dhe ajo është vaksinuar. Ajo udhëton brenda dhe jashtë fshatit dhe shqetësohet për ta sjellë Covid përsëri te familja dhe miqtë e saj, të cilët, si shumica e fqinjëve të tyre nuk janë të vaksinuar.
Ata janë të ndikuar nga gënjeshtrat dhe thashethemet që qakullojnë në WhatsApp. Pascuala ka parë mesazhe që thonë se vaksina do të vrasë njerëz pas dy vjetësh, se është një komplot qeveritar për të zvogëluar popullsinë ose se është shenjë e djallit që mallkon këdo që e merr atë.
Ky lloj dezinformimi është kudo, por në fshatra si Coquilteel, mund të jetë veçanërisht i fuqishëm. Njerëzit nuk i besojnë qeverisë. Ata nuk e shohin qeverinë duke bërë gjera të mira, por vetëm korrupsion,” thotë Pascuala.
Komuniteti në Chilón janë kryesisht pasardhës autoktonë të civilizimit të fiseve Maya. Në Chiapas fliten mbi 12 gjuhë zyrtare tradicionale. Gjuha e parë në Coquilteel është Tzeltal dhe pak njerëz flasin spanjisht.
“Qeveria nuk këshillon njerëzit se si ata duan të ndihmohen ose si të qeverisin. Shumica nuk besojnë se Covid ekziston,” thotë Pascuala. Ky nuk është vetëm një problem në Meksikë ose në Amerikën Latine, po ndodh në të gjithë botën. g.v/abcnews.al
