Ditën e sotme Federata e Futbollit të Spanjës i propozoi LaLigas disa ndryshime, ku pretendoi ulja e numrit të ndeshjeve dhe luajtja e ndeshjeve në stadiume neutrale, me qëllim rritjen e interesit të tifozëve.
LaLiga është përgjigjur menjëherë dhe ka refuzuar propozimin e Federatës. Gjithçka është sqaruar në një deklaratë zyrtare, ku tregohet se LaLiga po korr sukses me formulën aktuale dhe fitimet e saj janë mjaft të mëdha.
“LaLiga nuk do e konsiderojë propozimin për të ndryshuar formatin e secilës prej kategorive të saj. Modeli aktual, struktura, ditët e ndeshjeve, oraret e tij, etj., kanë qenë sukses i madh në vitet e fundit.
Mes shumë arritjeve të tjera të ligës ne patëm rritje të spektatorëve në masën 20%, rritje eksponenciale e të drejtave tona të televizive kombëtare dhe ndërkombëtare, mes të cilave bie në sy marrëveshja me ESPN në USA. Gjithashtu ne jemi Liga e vetme nga ato kryesore, që kanë dalë me bilanc pozitiv në sezonin e parë të Covid-19.
LaLiga është e gatshme të dialogojë me Federatën për çështje të ndryshme për të përmirësuar futbollin, siç është përmirësimi i VAR, të cilin ne e kemi propozuar tashmë ditë më parë, si dhe ne një strategji të përbashkët kundër Superligës Evropiane, etj”, shkruhet ndër të tjera në deklaratën e LaLiga. /abcnews.al
