Brazili u mund nga një gol i Di Marias në finalen e Copa America ndaj Argjentinës dhe pësoi një goditje të madhe, duke humbur trofeun në shtëpinë e tyre, stadiumin “Maracana”. Pas gjithë kësaj ka ardhur edhe reagimi i Thiago Silva.
Mbrojtësi ka urim për Messin me shokë dhe të gjithë ata që e kanë mbështetur, por “godet” edhe brazilianët, që në finale brohorisnin kundër, si shenjë proteste ndaj presidentit Bolsonaro, që lejoi të zhvillohej ky turne në kulmin e pandemisë.
“Të kemi besim për të mos u dorëzuar asnjëherë, forcë për të duruar vështirësitë dhe përqendrim për të arritur qëllimet. Urime kundërshtarit tonë për fitoren! Tani është koha të rimbushim bateritë dhe të kthehemi më të fortë. Për ata që na mbështetën dhe vuajtën me ne këtu ju falënderoj!!
Zoti ju bekoftë. Ahhh dhe për ata që brohorisnin kundër, shpresoj që të jeni te lumtur!!! Por atëherë mos vini dhe të na bëheni mik për të marrë gjithçka që dëshironi (intervista, bileta për të çuar fëmijë dhe miq në ndeshje, bluza apo foto)”, tha kapiteni. /abcnews.al
