Pas tre ditësh Italia dhe Belgjika sfidojnë njëra-tjetrën në çerekfinale në një nga ndeshjet më të forta të asaj faze. Në lidhje me këtë ndeshje foli ish-trajneri i Interit, Antonio Conte, i cili ka besim te Italia dhe shprehet se mund ta mundin Belgjikën dhe të kapin gjysmëfinalet.
“Italia është në të njëjtin nivel me Belgjikën, ne mund t’u krijojmë probleme atyre, të fitojmë dhe kualifikohemi në gjysmëfinale. Fitoret në ndeshjet e fazës së grupeve treguan cilësi që na dha shumë pritshmëri. Ndeshja kundër Austrisë, që ishte ekip i fortë, ishte shumë sfiduese.
Ndonjëherë fitoret e vështira mund të jenë edhe më të dobishme se fitoret e lehta, sepse ato të bëjnë të kuptosh atë që tashmë skuadra e ka mësuar: nuk ka vend për gabime. Çdo lëvizje, çdo pasim, çdo ndërhyrje është vendimtare dhe e njëjta gjë vlen për aspektin psikologjik të lojës.
Detajet shpesh janë vendimtare në këto ndeshje dhe çdo lojtar duhet të ofrojë cilësitë e tij në skuadër”, tregoi Conte. Në ndeshjen e fundit në Europian të dy ekipeve, Italia e ka mundur Belgjikën në 2016, kur në krye të të kaltërve ishte pikërisht Conte.
Belgjika na ndryshuar vetëm 3 lojtarë në formacion që nga ajo ndeshje, ndryshe nga Italia, që ka 8 lojtarë të tjerë dhe është në procesin e një rindërtimi të skuadrës, që deri më tani po shkon në rrugën e duhur dhe po rezulton efikase. /abcnews.al
