Belgjika po kryqëzon gishtat që të ketë ndaj Italisë dy yjet më ë mëdhenj të skuadrës: Kevin de Bruyne dhe Eden Hazard. Lajmet e fundit janë pozitive, sidomos për yllin e Manchester Cityt.
Prestigjiozja belge, Nieuwsblad raporton se De Bruyne i është nënshtruar testeve dje she mjekët nuk kanë gjetur dëmtim në ligamendin e kyçit, por vetëm ndrydhje të kaviljes.
Sipas të njëjtit burim shanset që De Bruyne të jetë ndaj Italisë më 2 korrik janë shumë të mëdha dhe se mesfushori po rikuperohet më shpejt seç priste stafi mjekësor i Belgjikës.
Të njëjtën gjë nuk mund ta themi për Hazard. Sulmuesi i Real Madrid ka një dëmtim muskulor dhe shanset që ai të jetë në fushë pas tre ditësh janë 50-50. /abcnews.al
