Holanda pësoi një humbje befasuese dhe u eliminua nga Euro 2020 në raundin e 1/8-ve. Çekia mposhti 2-0 kombëtaren tulipane, duke merituar kalimin në tetë skuadrat më të mira të kompeticionit.
Tjetër dështim për Frank De Boer, i cili nuk po ia del të tregojë se është një trajner fitues. Në rrjetet sociale ka filluar të qarkullojë sërish një video e Jose Mourinho, i cili thumbonte De Boer kohë më parë.
Deklarata e “Special One” ka ndodhur kur ishte trajner i Manchester United, ndërsa tekniku tulipan ndodhej në stolin e Crystal Palace. “Lexova disa shprehje nga trajneri më i keq i historisë së Premier League: Frank De Boer.
Throwback to when Jose Mourinho absolutely roasted Frank de Boer ? pic.twitter.com/qI0xqlHv1O
— FutbolBible (@FutbolBible) June 27, 2021
Shtatë ndeshje, të gjithë humbje dhe asnjë gol i shënuar! Ai shprehej që nuk është një gjë e mirë që Markus Rashford ka një trajner si unë. Gjëja më e rëndësishme për mua është fitorja.
Nëse Rashford do të kishte De Boer trajner, ai do e mësonte si të humbiste, sepse ka dështuar në të gjithë ndeshjet“, deklaronte Jose Mourinho, i cili është kthyer në Serie A te Roma. /abcnews.al
