Gwen Stefani ka nxitur thashethemet se është martuar fshehurazi me Blake Shelton pasi u fotografua me një unazë diamanti të shtunën. Në fotot e publikuara nga Page Six, 51 vjeçarja u pa bashkë me të fejuarin ndërsa ndodhej në një ngjarje sportive të djalit të saj të vogël.
Por ajo që ra në sy ishte unaza e re në gishtin e saj. Stefani nxiti thashethemet pak ditë më parë kur postoi një foto duke pirë verë ndërsa mbante një dhuratë ku shkruhej: “Ajo po martohet”. Më parë, burime pranë çiftit kanë konfirmuar se ata po përgatiteshin për dasmën e ëndrrave.
“Blake ndërtoi një kishëz në tokat e fermës së tij në Oklahoma. Ai e bëri atë vetë me pak ndihmë. Është një nderim për dashurinë e tyre. Ata do të martohen në kishëz, ka shumë të ngjarë në fillim të vitit të ardhshëm”, tha burimi. /abcnews.al
