Fitore në transfertë për Brazilin, teksa Argjentina nuk shkon më shumë se një barazim ndaj Kolumbisë. Janë luajtur ndeshjet e raundit të gjashtë të fazës kualifikuese për Botërorin Katar 2020 në Amerikën Latine.
Brazili mposhti 0-2 Paraguain, duke siguruar fitoren e gjashtë në po kaq takime. Golat e Neymar dhe Lucas Paqueta i dhuruan suksesin pesë herë kampionëve të botës, të cilët kryesojnë me 18 pikë.
Ndeshje e bukur por pa fitues mes Kolumbisë dhe Argjentinës. Dueli i luajtur në Barranquilla përfundoi në barazim 2-2. Skuadra mike e nisi “zjarr” dhe e pa veten në avantazh të dyfishtë në minutën e tetë.
Cristian Gabriel Romero dhe Leandro Paredes (eurogol) ishin autorët e golave për kombëtaren albiceleste. Vendasit nuk u dorëzuan dhe ia dolën të evitojnë humbjen në pjesën e dytë.
Luis Muriel shkurtoi diferencën me një penallti, teksa golin e barazimit e realizoi Miguel Borja në minutat shtesë të ndeshjes. Vendi i dytë me 12 pikë për Argjentinën, ndërsa Kolumbia renditet e teta me 8 pikë.
Hap fals për Kilin, që nuk shkoi më shumë se barazimi 1-1 në shtëpi ndaj Bolivisë. Erick Pulgar zhbllokoi ndeshjen në minutën e 69-të, por miqtë shënuan golin e barazimit nëntë minuta nga fundi me një penallti të kthyer në gol nga Marcelo Moreno.
? @CONMEBOL #WorldCup results and standings ?
?? Ecuador 1-2 Peru ??
?? Venezuela 0-0 Uruguay ??
?? Colombia 2-2 Argentina ??
?? Paraguay 0-2 Brazil ??
?? Chile 1-1 Bolivia ?? pic.twitter.com/wK6R8x5WKD— FIFA World Cup (@FIFAWorldCup) June 9, 2021
Pa gola përfundoi sfida Venezuelë-Uruguai, ndërsa Peruja e vendit të fundit siguroi tre pikë të rëndësishme pas triumfit 1-2 në fushën e Ekuadorit. Katër skuadrat e para sigurojnë kualifikimin në Botëror, ndërsa vendi i pestë luan “play-off”. /abcnews.al
