Nga Ajgena Korbi
Një mundësi për kandidatët për studentë dhe një detyrim për universitetet. Institucionet e arsimit të lartë nuk mund të lënë më për në moment të fundit shpërndarjen e kuotave të mbetura bosh brenda fakultetit.
Ato duhet ta bëjnë këtë pas regjistrimeve në dy raundet e para me kushtin e vetëm që mos të kalohet totali I pranimeve.
Ministrja e Arsimit Evis Kushi ka ndryshuar udhëzimin përkatës ku thuhet se pas përfundimit të tri fazave 48-orëshe të regjistrimit të raundit të tretë, universitetet nuk mund ti përshtasin më kuotat e paplotësuara të një programi studimi në degë të tjera të të njëjtit fakultet.
P.sh. nëse në degën Ekonomiks, departamenti gjykon që ka më pak kërkesa se vendet e vëna në dispozicion Dekani vendos që një pjesë të tyre t’ia kalojë programit Administrim Biznes ku vihet re një interes më I lartë I maturantëve. Por për këtë ai duhet të marrë miratimin e Ministrisë së Arsimit që në nisje të procesit kur ka parë dhe tendencën e regjistrimeve.
Studentët e regjistruar në universitete, publike apo private të pas afatit të ri të përcaktuar në urdhrin e ministres nuk do të njihet nga Qendra e Shërbimeve Arsimore, e cila pajis ata me numrin personal. Ajo do të kërkojë prej institucionit të arsimit të lartë çregjistrimin e tyre./Abcnews.al
