Lëvizjet në dalje te Kukësi vazhdojnë. Pasi u konfirmua largimi i trajnerit Mirel Josa, ditën e sotme klubi verilindor ka bërë me dije se edhe mesfushori Mate Tsintsadze nuk do të jetë pjesë e tyre në vazhdim.
“Futbollisti gjeorgjian Mate Tsintsadze nuk është më pjesë e ekipit tonë. Pas përfundimit të sezonit, palët kanë rënë dakord për të ndërprerë bashkëpunimin, duke qenë se për arsye familjare futbollisti kërkonte të rikthehej në Gjeorgji.
Mate Tsintsadze u bashkua me Kukësin në merkaton e janarit, duke zhvilluar me ekipin tonë 15 ndeshje, ku ka shënuar 1 gol dhe ka dhënë 2 asiste.
Klubi i Kukësit e falënderon Maten për kontributin e dhënë me fanellën e Kukësit dhe i uron suksese në karrierën e tij”, njofton klubi i Kukësit përmes rrjeteve sociale. /abcnews.al
