Loading ...
Anijet turistike ndërkombëtare do të jenë në gjendje të ankorohen në portet spanjolle duke filluar nga 7 qershori, sipas një njoftimi nga qeveria e vendit. Ky vendim vjen si pasojë e uljes së rasteve të Covid-19 në Europë dhe për shkak se pjesa më e madhe e vendeve prej nga do të vijnë anijet kanë treguar shenja pozitive të fushatës së vaksinimit, tha ministria e transportit në një deklaratë.
Ndalimi u vendos në mes të marsit 2020 për të mbajtur në kontroll pandeminë. Ky është destinacioni i dytë në Europë për ndalesat e anijeve turistike, që luajnë një rol të rëndësishëm në ekonomi, sipas ministrisë. Në vitin 2019, sektori kontribuoi rreth 2,8 miliardë euro në PBB-në e Spanjës.
Kompanitë e transportit do të veprojnë në përputhje me masat e vendosura nga ministria e shëndetësisë, për të garantuar sigurinë totale, ” tha ministria e transportit./abcnews.al
