Phil Foden është një nga lojtarët më të çmuar të Manchester City. Fantazisti 20-vjeçar është kthyer në një pikë fikse tek ekipi i Pep Guardiolës.
Këtë sezon numëron 15 gola dhe 10 asiste. I fundit që i është bashkuar korit të elozheve për lojtarin e talentuar anglez është Ruud Gullit, i cili e krahason me Leo Messin.
“Më parë në Angli preferoheshin dhe kishin prioritet lojtarët e fortë dhe të mëdhenj. Situata ka ndryshuar, skuadrat u besojnë më shumë tani lojtarëve të shkurtër, teknikë dhe të shkathët.
City i dha mundësinë Phil Foden dhe ai po tregon që është një futbollist i jashtëzakonshëm. I përket të njëjtës kategori me Leo Messin.
Nuk është identik si Messi. Flas në aspektin e përgjithshëm si lojtar, por askush nuk është si Messi. Gjithsesi, Foden më kujton shumë Leon me shpejtësinë dhe gjatësinë që ka.
Po flasim për një futbollist të mrekullueshëm, më pëlqen shumë ta shoh kur luan me Manchester City“, përfundoi ish-mesfushori i madh i Milanit. /abcnews.al
