Dokumentari “Pesha e baltës”, realizuar nga Luljeta Progni, shfaqur në ABC, riktheu në vëmendje kërkimin dhe gjetjen e eshtrave të rreth 6 mijë personave të zhdukur gjatë diktaturës. Pjesëmarrësit në tryezën e rrumbullakët vunë theksin tek indiferenca e institucioneve shtetërore dhe shoqërisë.
Kërkimi dhe gjetja e eshtrave të afro 6 mijë personave të zhdukur me forcë gjatë periudhës komuniste, ky është fokusi i dokumentarit “Pesha e baltës“ realizuar nga Luljeta Progni, e shfaqur në ABC. Ky dokumentar ishte nxitja që risolli në një tryezë, debatin mbi të zhdukurit.
Gentjana Sula, pranon zvarritjen e këtij procesi, por ajo jep lajmin nisjes se fazës së parë të mbledhjes dhe ballafaqimit të dëshmive, për vend varrimet e të zhdukurve me forcë.
Afrim Krasniqi nënvizoi mungesën e kuadrit ligjor. Luigj Ndou Përfaqësuesi i Komisionit Ndërkombëtar për personat e zhdukur, deklaroi se 800 persona kanë dëshmuar rreth 72 vendeve, të të zhdukurve në gjithë Shqipërinë.
Në këtë tryezë u diskutua problematika e zvarritjes si dhe shtigjet e procesit të gjetjes së të zhdukurve me forcë gjatë komunizmit.
/ Abcnews.al
