Kryetari i Bashkisë së Tiranës, Erion Veliaj i ka dhuruar Medaljen e Mirënjohjes së Qytetit, Klodian Elqenit.
Elqeni bllokoi një person i cili u fut me shpejtësi me makinë në sheshin “Skënderbej”, që rrezikoi jetën e fëmijëve si edhe qytetarëve të tjerë.
Lexo edhe: Flet për ABC heroi që bllokoi agresorin me makinë në shesh: Mendova se ishte akt terrorist
Ai u neutralizua menjëherë nga ndërhyrja e shpejtë e Klodian Elqenit duke parandaluar në këtë mënyrë një fatkeqësi.
Veliaj u shpreh mirënjohës për aktin e të riut, ndërsa bëri thirrje që të rinjtë apo qytetarët të mos presin vetëm ndërhyrjen nga shteti, por në situata të vështira të ndërhyjnë dhe të reagojnë për njëri-tjetrin.
“Shpeshherë them që mos prisni që shteti të jetë kudo. Çdo njeri që sheh një nevojë që mund të jetë tek lagja, në komunitet apo shkollë, kur e sheh një nevojë mos prit të të vijë urdhri nga shteti dhe të reagosh. Shihe atë nevojë dhe plotësoje dhe pastaj mirënjohja dhe falënderimi do të vijnë. Shpresoj shumë që djem dhe vajza e kanë marrës si mesazh”, tha Veliaj.
Ndërsa ai tha se ndjehet i vlerësuar nga qytetarët shqiptarë dhe kryetari i Bashkisë së Tiranës Erion Veliaj.
“Është diçka vërtet e çuditshme në kaq pak kohë për mua. Ndjehem shumë mirë dhe i vlerësuar nga shqiptarët anembanë dhe posaçërisht nga lali Eri nga kryetari jonë. Ju falënderoj shumë të gjithëve”, tha ai.
/abcnews.al/
