Vijon numërimi për kandidatët, Bledi Çuçi më i votuari në Gjirokastër

Vijon numërimi i votave për kandidatët në Qarkun e Gjirokastrës. Nga 207 qendra votimi në total, janë numëruar deri më tani kutitë në 134 qendra votimi, ku rezulton se më i votuari deri më tani në radhët e PS-së është Bledi Çuçi me 4 947 vota.

Sipas të dhënave të përditësuara nga KQZ, Laert Duraj ka marrë 3 550 vota ndjekur më pas Mirela Kumbaro, e cila ka siguruar deri më tani 1 876 vota. Kujtojmë që PS ka siguruar tre mandate në këtë qark, ndërsa PD vetëm një. /abcnews.al