Humbja e fundit mund t’i kushtojë kreun e renditjes Atletico Madrid. Ekipi i Diego Simeones u mposht 2-1 jashtë fushe nga Athletic Bilbao dhe në vend të parë në La Liga do të ngjitet Barcelona nëse fiton ndeshjen e prapambetur.
Trajneri argjentinas i ekipit “Colchoneros”, Diego Simeone foli për mediat rreth humbjes së mbrëmjes së kaluar ndaj skuadrës baske. “Ka shumë rëndësi aspekti mental në këtë fazë finale të kampionatit.
Ekuilibri emotiv do të jetë çelësi për t’iu afruar titullit kampion. Në Spanjë zakonisht fitojnë Barcelona dhe Real Madrid, përveç vitit 2011 dhe një tjetër viti ku ishim afër fitores.
Kemi pasur avantazh gjatë gjithë sezonit, por e kuptuam që Barcelona dhe Reali nuk kishin dalë kurrë nga gara për titullin, aty ku është përfshirë edhe Sevilla. E përsëris, do të fitojë ekipi më i fortë në aspektin mental“, deklaroi Simeone. /abcnews.al
