Fitojnë Shkëndija, Shkupi dhe Struga Trim Lum në kampionatin e Maqedonisë së Veriut. Kuqezinjtë e Ernest Gjokës fituan 0-3 në fushën e Belasica, ekip që renditet në vendin e fundit të renditjes.
Golat për ekipin nga Tetova u realizuan nga Rubin Hebaj, Valmir Nafiu dhe Kamer Qaka. Ky ishte suksesi i gjashtë radhazi për Shkëndijën, që është një fitore larg titullit të katërt në histori.
Shkupi iu fal golit të brazilianit Neto për të fituar 0-1 në fushën e Borec, sukses që i konsolidon bardhekaltrit kryeqytetas në vendin e dytë. Tre pikë fantastike arriti edhe Struga Trim Lum.
3-0 fitoi Struga në shtëpi përballë Pelister, teksa të tre golat u realizuan në fraksionin e dytë të ndeshjes. Vendi i katërt në renditje dhe katër pikë larg Europa League për ekipin shqiptar. /abcnews.al
