Napoli hedh sytë në Angli dhe është pranë marrëveshjes me anësorin argjentinas, Erik Lamela. “Corriere dello Sport” raporton se ditët e fundit ka pasur kontakte intensive të drejtuesve të klubit italian me përfaqësuesit e lojtarit.
Javët në vijim pretendohet të vijë edhe konkretizimi i marrëveshjes, pasi Napoli duhet të bindë edhe klubin e Tottenham. Lamela është nën kontratë me londinezët deri në qershor të vitit 2022 dhe për momentin nuk ka marrëveshje për rinovim.
29-vjeçari ka luajtur edhe më parë në Serie A. Ai ka veshur fanellën e Romës, që e bleu te River Plate për 17 milion euro në verën e vitit 2011 dhe pas dy sezonesh e shiti te londinezët e Tottenham për 30 milion euro. /abcnews.al
