Gjysmëfinalet e Kupës së Shqipërisë, FSHF vendos për oraret

FSHF ka bërë planin për ndeshjet gjysmëfinale të Kupës së Shqipërisë, që do të zhvillohen më 14 prill. Mesjavën e ardhshme zbresin në fushë katër ekipet që duan trofeun.

Duelet do të luhen prej orës 16:00. Në Shkodër, në stadiumin “Loro Boriçi”, Vllaznia do të presë skuadrën e Laçit, në një përballje që pritet të jetë mjaft e luftuar.

Bujar është treguar shorti me fituesen në fuqi të Kupës së Shqipërisë, Teutën. Durrsakët presin në “Niko Dovana” Skënderbeun, skuadër që po lufton për të qëndruar në Superiore këtë sezon. /abcnews.al