Eksperti britanik, David Spiegelhalter, në Universitetin e Kembrixhit tha se përfitimet e vaksinimit i tejkalojnë rreziqet, duke u bërë thirrje të rinjve që të vaksinohen.
Duke folur për programin Today të BBC Radio 4, ai tha se sipas të dhënave nëse një grup personash në të 20-at e tyre do të vaksinoheshin me AstraZeneca, vetëm një person ka të ngjarë të pësonte mpiksje gjaku.
Ndërsa Spiegelhalter pranoi shqetësimet që kishte secili individ, ai tha se rreziku i secilit duhet të peshohet përkundrejt përfitimeve të drejtpërdrejta për mijëra të tjerë.
“Kjo është diçka që mbase duhet të ishte theksuar gjatë gjithë kohës për të rinjtë, të cilët mund të vuajnë nga Covid i zgjatur. Parandalimi i transmetimit ka një përfitim të drejtpërdrejtë për ta”
Deklarata e tij erdhi menjëherë pasi Komiteti i Përbashkët i Qeverisë për Vaksinimin dhe Imunizimin (JCVI) njoftoi se të rinjtë e shëndetshëm nga mosha 18 deri në 29 vjeç kanë mundësinë të zgjedhin se me cilën vaksinë dëshirojnë të vaksinohen./abcnews.al
