Gjykata për Krimet e Rënda ka rrëzuar pretendimet e Arbër Çekajt, të akuzuarit si porositës të 613 kg kokainë të mbërritura në portin e Durrësit në kontenier bananesh për kthimin e pasurive të sekuestruara.
Togat e zeza kanë vlerësuar si të pabazuar në prova dhe në ligj kërkesën e bërë nga përfaqësuesi ligjir i shoqërive “Arbri Garden shpk” dhe “Ecoalmax sh.p.k” për zhbllokimin nga masa e sekuestros për kamionin dhe kontenierin, në dyshemenë të të cilit u gjet kokaina. Aktualisht Çekaj ndodhet në masën e sigurisë “arrest në burg” në Gjermani, në pritje të ekstradimit në Shqipëri. Ai po hetohet edhe për disa vepra penale që dyshohet të jenë konsumuar në territorin gjerman.
