Laçi u mposht nga Teuta në Durrës dhe trajneri Shpëtim Duro ka analizuar paraqitjen e skuadrës së tij në stadiumin “Niko Dovana”. Tekniku kryeqytetas, në lidhjen direkte me emisionin “Gol pas Goli” në Supersport.
“E zgjidhi Bregu me një gol të rëndësishëm. Nuk mund të them që jam i pakënaqur me skuadrën. Kundërshtari nuk pati rrezikshmëri në pjesën e dytë, por as ne nuk ishim në moment të mirë. Duhet të marrim shembull nga Mazrekaj, i cili bën diferencën, sikurse Bregu te Teuta”.
“Jemi aty sërish, mund edhe të dilnim barazim. Ajo që nuk më pëlqeu është se nuk kemi luajtur mirë, sidomos mesfushorët. Patëm shumë probleme. Si dilet nga kjo situatë do e shohim. Duhet të reagojmë”, shtoi trajneri Duro.
“Ishte e vështirë të organizoheshe në sulm me erën kundër në pjesën e parë. Edhe Teuta e pati të vështirë në të dytën. Kishte tension te të gjithë lojtarë. I vetmi që i jepte frymëmarrje ekipit ishte Mazrekaj. Harmon ishte konfuz sërish. Shpresoj të na kthehet në ndeshjet e ardhshme Nwabueze”. /abcnews.al
