Humbja e parë e Chelsea me Thomas Tuchel në pankinë. “Blutë e Londrës” u turpëruan 2-5 në “Stamford Bridge” nga WBA. Sfida u vendos nga kartoni i kuq i Thiago Silva në minutën e 29-të.
Mbrojtësi brazilian u ndëshkua me kartonin e dytë të verdhë dhe la skuadrën e tij shumë shpejt me dhjetë lojtarë. Christian Pulisic kishte kaluar Chelsea në avantazh dy minuta më parë.
?@WBA hit Chelsea for FIVE! ?
The #PL returns with an incredible match at Stamford Bridge#CHEWBA pic.twitter.com/GJinbjSdFU
— Premier League (@premierleague) April 3, 2021
Miqtë shfrytëzuan superioritetin numerik dhe përmbysën rezultatin brenda pjesës së parë. Matheus Pereira realizoi dy gola për dy minuta në shtesat e fraksionit të parë të takimit.
Golat e brazilianit vështirësuan gjithçka për Chelsea, që pësoi edhe tre gola të tjerë në pjesën e dytë, ndërsa goli i Mason Mount thjesht sa e bëri disi më pak të hidhur disfatën e thellë.
Humbja e parë për Tuchel pas 14 rezultateve pozitive, ndërsa WBA siguron një trepikësh fantastik për objektivin mbijetesë, edhe pse vijon të renditet në vend të parafundit. /abcnews.al
