Një gol i Karim Benzema dy minuta përpara fundit të ndeshjes, evitoi humbjen e Real Madrid në derbin përballë Atleticos kryesuese. Zinedine Zidane foli për mediat pas barazimit 1-1, duke premtuar luftë deri në fund.
Atletico kryeson kampionatin me 5 pikë më shumë se “Los Blancos”. “Sot fituam një pikë të rëndësishme. Jemi në garë, jemi të gjallë dhe do të vazhdojmë luftën për titullin kampion. Penalltia që nuk na u dha? Arbitri vendosi në atë mënyrë dhe ne duhet të respektojmë vendimin e tij.
Atletico e filloi më mirë takimin, ne u treguam më të aftë në fundin e ndeshjes. Ka shumë pikë në lojë. Reali im nuk dorëzohet, do të luftojmë deri në javën e fundit për të fituar sërish titullin“, deklaroi Zidane. /abcnews.al
