Bylisi po bën një sezon fantastik me 21-vjeçarët dhe ditën e djeshme fitoi me rezultatin 1-5 kundër Tiranës në kryeqytet. Ballshiotët kryesojnë kampionatin, të ndjekur nga Laçi dhe duan titullin kampion.
Në takimin e djeshëm ndaj bardhebluve u shënua edhe një gol fantastik, nga një prej lojtarëve të talentuar që Bylisi e afroi në merkaton e verës.
Flamur Ruçi, anësor i krahut të djathtë, ndëshkoi Tiranën me një roveshatë të bërë brenda zonës. Koordinimi ishte perfekt dhe portieri i kryeqytetasve u detyrua ta nxirrte topin nga rrjeta. /abcnews.al
