Australia ka miratuar ligjin e parë në botë që e bën Google-in dhe Facebook-un të paguajë për përmbajtjen e lajmeve në platformat e tyre.
Sipas BBC, legjislacioni është kundërshtuar ashpër nga gjigantët amerikanë të teknologjisë.
Ligji australian është parë si një test i mundshëm për raste të ngjashme në shtetet e tjera që të paguhen nga platformat dixhitale për lajmet e tyre. Ai ka kaluar sot në Shtëpinë e përfaqësuesve pasi kishte kaluar më parë në Senat.
Kujtojmë që javën e kaluar Facebook-u ka bllokuar të gjitha përmbajtjet e lajmeve të Australisë mirëpo ka përmbysur vendimin këtë javë pas negociatave me qeverinë./abcnews.al
