Bashkimi Europian ka nisur procesin për sanksione të reja ndaj Rusisë, pas dënimit të disidentit rus Alexei Navalny, sipas burimeve diplomatike.
Masat ndëshkuese nuk kanë gjasa të synojnë manjatët rusë, siç kanë kërkuar Navalny dhe aleatët e tij. Në vend të kësaj, ka të ngjarë të ndëshkohen zyrtarët rusë dhe entitetet që dyshohet se janë të përfshirë drejtpërdrejt në çështje.
Shtetet anëtare, që kanë kërkuar vazhdimisht lirimin e kritikut të Kremlinit, do të ngarkojnë shërbimin diplomatik të Bllokut me hartimin e caqeve të mundshme për ngrirjen e pasurive ose ndalimet e udhëtimit.
Diferencat se cili do të përfshihet në listën e zezë nxjerrin në pah përpjekjen e BE-së për të ecur në një vijë të hollë midis shqetësimeve në krahun e saj Lindor në lidhje me veprimet e Vladimir Putinit dhe frikës në Bruksel në lidhje me Kinën,e cila kërkon të rrisë ndikimin e saj në Rusi.
Pasi i mbijetoi një helmimi me agjent nervor dhe u trajtua në Gjermani, Navalny u kthye në Rusi në mes të janarit, kur u arrestua menjëherë.
Blloku tashmë ka aplikuar sanksione ndaj Rusisë për rolin e saj në konfliktin në Ukrainë./abcnews.al
