Një shpërthim i fuqishëm alarmoi banorët që jetojnë pranë ish metalurgjikut në Elbasan. Burimet tregojnë se bombola e gazit ka qenë brenda materialeve të tjera të cilat përpunohen në këtë uzinë.
Për fat të mirë nuk raportohet për punonjës të lënduar, pasi kanë qenë në distancë me vendin ku ndodhi shpërthimi dhe të veshur me rroba speciale. Flakët u vunë në kontroll nga vetë punonjësit e uzinës. Prej shpërthimit ka pasur dëme të mëdha materiale.
Policia ka nisur hetimet. Ndërsa është ngritur dhe një grup punë nga vetë kompania për të mësuar nëse janë shkelur apo jo rregullat teknike. Kjo nuk është hera e parë ndodhin shpërthime në këtë fabrikë të kompanisë Kurum.
Pjesë e skrapit nuk kalohen në filtër, por vetëm në mënyrë sipërfaqësore. “Ka qenë një nga shpërthimet më të mëdha në historinë e kësaj kompanie. Brenda bombolës ishte një lëndë e papërcaktuar” raportoi gazetari i ABC, Aldo Kozarja./ db/ Abcnews.al
